ሽወደንኛ ንወጻእተኛታት (ኤሰፊ)

ኤሰፊ ማለት፡ ነቶም ሽወደንኛ ቋንቋ ኣዲኦም ዘይኮነ ኣባጽሕ መባእታዊ ትምህርቲ ሽወደንኛ ነምሃብ ማለት’ዩ። ትምህርቲ ኤሰፊ፡ ምስ ስራሕ፡ ምስ ፕራክቲክ (ስራሕ ተልመደን) ወይከኣ ምስ ካልእ ዓይነት ትምህርቲ ኣጣሚርካ ብሓደ ክትወስድ ትኽእል ኢኻ። ትምህርቲ ኤሰፊ ክትመሃር መሰል ኪህልወካ፡ ኣብ ክራምፎሽ ኮሙን ከም ተቐማጢ ዝተመዝገብካ ክትከውን ኣለካ። ኣብ መላእ ዓመት ወረቐት ምዝገባ ኣእቲኻ ንትምህርቲ ኪቕበሉኻ ይኽእሉ’ዮም። ምቕባል ተመሃሮ ከከም ህላወ ቦታ’ዩ።

እቲ ትምህርቲ ክንደይ ግዜ ይወስድ᎒

ንዘሎካ ትምህርታዊ ድሕረባይታ፡ ዝቐሰምካዮ ፍልጠትን ናይ መጻኢ ዕላማኻ ኣብ ግምት ብምእታውን፡ እቲ ግዜ ከከም ሰቡ ይፈላለ ኣብ መዓልታዊ ኮርስ ምስታፍን፡ ብውልቅኻ ቋንቋ ምልምማድን ነቲ ናይ ትምህርቲ ግዜ የሕጽሮ።

ነጥቢ ክወሃብ ድየ᎒

እወ: ነጥቢ ኪወሃበካ’ዩ። እቲ ነጥቢ ሽዱሽተ ደረጃ ኣሎዎ፡ ካብ “A” ክሳዕ “F” ኮይኑ፡ “A” እቲ ዝለዓለ ደረጃ ነጥቢ’ዩ።

ርክብ ንምግባር፡

ኣማኻሪ ትምህርትን ሙያን 0612-80500
ወይከኣ ናብ ጐደና “ዪርከስቬገን 1” (Yrkesvägen 1) መጺእካ ብጽሓና

ብደሓን ምጻእ！